أدري انكم نسيتوني لأني قصّرت معاكم بطول الغياب بس حبيت أذكركم فيني وأراضيكم على الاقل بقصيده وياهلا
إرجعت
تحمل معاناة الفشل
مشوارها حزن وأنين
جابت خطاويها السنين
أو شدّها شوق وحنين
ارجعت
لكن ما حكت
واوقفت ذل وخضوع
*****
واندفق حبر الشقا من طرفها
وانطبع في صفحة الخد ورسم
قصه لها معنى وإسم
واللي انفهم
إن الزمن جار وقسى
واللي جرت خلفه نسى
وارجعت
لكن ما شكت
واكتفت بس بالدموع
*****
وإستجمعت بعض الحروف
وهي ترتعش بردٍ وخوف
وابتدى همس الحكي
لكن تحدّاها البكي
وهي تختنق عبره وكسوف
قالت أبي لحظة أمل
أبنسى معاناة الفشل
واللي حصل
ارجعت
واكشفت سر الرجوع
