السلام عليكم ورحمة الله وبركاته
مرحبا اعضاء النبض الغاليين
حابة اعرفكم على لهجتنا السورية
وخصوصا انه في كتير مابيعرفو بعض مفرداتها لذلك عملت هالموضوع
يعني فيكم تعتبروها من باب الفرفشة والاستفادة بنفس الوقت
في البداية رح احط كلمات واترجمها
وإذا انتو عندكم كلمات حابين تعرفوا شو معناها فانا بالخدمة
نبتدي
بسم الله
تأبرني : تضعني بالقبر يعني اموت قبلك طبعا تقال للشخص اللي تحبه كثيرا وتتمنى موتك قبله
ومثلها ايضا ً تشكل آسي
اي تضع زهر الآس على قبري
عجأة : يعني زحمة
ماني : اي لااريد ومثلها مابدي
دشرو : حل عنّو : يعني دعه و شأنه...ومنه يقال دشّرني:أي حل عني...وحل عني يعني اتركني بحالي.
لييك : اي انظر او شوف
ماني غضران او مابحسن : يعني لست بقادر
الواه الواه : تعبير نسائي قح يفيد التمسخر على شيء ما.
ولاك: أداة تستخدم في النهر والشتم.
ايدي بزنَارك: تعبير يستخدم للتعبير عن الرجاء أي ( داخل على الله ثم عليك ) وتفسيرها اي يدي في حزامك كانك تتمسك به وتترجاه
وضرَاب السخن : وهي مسبَة وتعني ...... ان تصيبك الحمّى والحرارة
كوكِش .. فتـّـش... بحبش : كلمات لنفس المعنى وهي تعني البحث مع التمحيص
ينمحئ = ينضرب على قامتو = يسطفل = خلّك بس ماعليك منه (اتركه بحاااااااله)
اعود يأأعـّـد رزك (اقعد يقعد رزَك) ... يعني اجلس بمكانك وكفاية تتحرك.. المعنى الأدق .. يقعد رزك يعني تموت والناس ياكلو رز ... لانو لمّا حدى بيموت من العادات انو بتصير عزيمة وبيطعموا الناس اوزي على روح الميت والاوزي اكله معروفة بالشام عبارة عن رقائق عجين محشية رز ببزاليا.
وين غاطط : يعني وينك مختفي مانشوفك ؟؟
والسبع تنعام : يعني النا الشرف. ،، تشرَفنا
ما بيعرف الخمسه من الطمسه :عن الرجل اللي ما عنده ثقافه.(؟)
سرّي مرّي : تقال للي دايما داخل طالع من البيت
مجنّط - فايت بالحيط - طاقق الفيوز : كلهم للدلاله على واحد رايح فيها ومايدري عن شي
مأنشح .. ماانشحه ... تقال للانسان الغير نظيف بشكله او ببيته
كحته و بيحب الشحته -ايدو ماسكه : تقال على البخيييييييييييل
شاطط و ماطط : يعني مدلع زيادة عن اللزوم
نايط : يعني شخص بارد.
شاضومه : يعني بنت مجلوئة ( شايفة نفسها )...و.. قليله ادب و مصبينه
شحاطة :يعني شبشب
تعسيله : نومه بعد الظهر.
مسرسبة : يعني بتحب النظافة كتير.
يبعتلو اتلو شو سمج : ( أتلو = قتله ) .. يعني انشالله يموت و كلمة سمج يعني غليظ وثقيل الدم (حاير)
ازعر : صاحب مشاكل
زكرد او ابضاي : يعني قوي وشجاع
عقلو جوزتين بخرج : الجوز طبعا معروف ،، خرج يعني كيس كبير فتخيل ان رجل عقله كرتين صغار داخل كيس كبير جدا ،،، يعني عقله صغير. (دايخ)
متل الاطرش بالزفة : يعني شخص اطرش وجالس فس زفة العرس ،، يعني ماله علاقة بالموضوع .
حاج تحوص متل الصوص : يعني يكفي حركة و لف ودوران زي الصوص ( ابن الدجاجة بالرضاعة )
يحرء حريشك : يعني انو هو ظريف ولطيف ودمه خفيف وحكايتو حلوة متلو
فوت : يعني إدخل
شوبك: يعني ماذا بك؟
ابوس روحك :للمدح
ورصاص :يعني دعاء بالموت
ارمغان : تعني الهدية
زلمة : رجل
...........
منتظرة ردودكم
ولو في كلمة مو واضحة انا جاهزة للشرح
تحياتي
صبايا
