(( مساء جميل !! ))
إهداء لمن يبحث عن راحة البال ..
ولا أطلب إلا المحاولة منكم .. وعساكم تهنون براحة البال ان شاء الله !! ))
راحة بال
جرب تبدأ يومك .. بابتسامة
بصلاة الفجر في المسجد ..
وانت طالع شوف بزوغ الفجر وتأمل..
بكل إحساس مسلم ومؤمن بربه وإسلامه ..
جرب تبدأ يومك ..وأنت تضحك ..
لكن حاسب بين ضحكك وثقل مزحك
شوف الصغير بعيون حلوة ..
وحببه في كلامك ..
ولا تنسى الكبير أعطيه حقه واحترامه ..
جرب لما تشوف خويك تبتسم ..
فكر بفعل المعروف ولا تندم ..
إذا حسيت لحظة ..
أنك فعلت شي وندمت عشانه ..
ترى المعروف ما يضيع ..
وما يضيعه إلا صاحبه ..
وهو مثل الأمانة
وصدق الكلام قالوه ..
لا تندم على خير فعلته ..
وعلى معروف عملته ..
ولا تتحسف أبد ..
ولا تلقي عليهم الملامة ..
أرمي همك خلفك ..
وأترك للمولى همك ..
وفكر في اللحظة ويومك ..
ما تقول باكر شو راح يصير ..
وبعد باكر كيف التدبير ..
الأفضل أنك تبتعد عن هالتفكير ..
وتعيش يومك بأيامه ..
وعلى آخر الليل ..
جرب تبدأ تفكر ..
وتحاسب نفسك ولا تعكر ..
كل شي ممكن ..وممكن في لحظة يتغير ..
المهم ما تنسى خالق هالليل .. وباعث ظلامه
قول يا رب أمين ..
أن تفرج هموم المسلمين ..
وتحرر من الطغاة العصاة أمنا فلسطين ..
ومثلها العراق .. وكل دولة عربية حل عليها ..
ظلم الطاغيين والطماعين ..
يا رب نسألك ..
بكل خشوع الرضا والسلامة
شوف نفسك لما تدعي كل يوم بهذا الدعاء ..
ولما تفكر بغيرك وتسعى بكل اجتهاد وانتماء ..
أنك ما تنسى أن آدم أبونا.وأنت منه ..
وأننا نحن من نسل أدم وحواء علامة ..
راحة البال موجودة ..
رغم كل شي ..رغم قولك يا كثر الهموم ..
والمشاكل والظروف ..
وقلة الحيلة والفلوس
وغيرها.. وغيرها ..
كلها لها وقت معلوم مهما طالت
المهم الواحد ما تقتله أحزانه ..
والمهم لا تفقد الأمل ..
ولا تنسى أن الراحة موجودة ..
لكن أنت جرب تبدأ يومك بإبتسامه ..
وأترك كل شي للخالق ..
ولا تنسى أنه ما ينسى أبد عباده ..
وكل شي عنده له بوقته وميزانه..
ناظر الحياة بعيون حلوة ..
ندري أكثرها مُرة ..ومرة حلوة ..
لكن ما عليه ..
قول في نفسك الحمد لله على النعمة ..
الحمد لله على ما عطانا ورزقنا ..
الحمد لله واستغفر الله وسبحانه ..
نعم .. كلنا ندري هالزمن زمن الفلوس ..
ذلت قبائل وشتت عوائل .. وقتلت نفوس ..
قال سبحانه ..
المال والبنون زينة الحياة الدنيا ..
ويمكن يكونوا نعمة ويمكن بعد نقمة ..
مذكور هذا في قرآنه ..
تمسك بالقناعة والرضى ..
وخيرة الصحب مكسب لرجل عرف يقرأ زمانه..
ترى ما يدوم شي ولا يبقى إلا الذكرى ..
وما أجمل من ذكر صاحبه
في كل موقف .. يذكرك بالخير وأنت ميت ..
وقال بعد هالفراق والدمعة حبيسة عظامه ..
الله على صاحبي اللي كان وينه .. وين أيامه ..
مو مثل لما يذكرك بالسوء ما قتله إلا ماله ..
راحة البال لها معنى جميل يا أخوتي ..
ويا حلو هالاحساس لما يكون نابع ..
من شخص يحب الناس حبا وكرامه ..
وبعدها تبقى الفرائض الخمس ..
لو فكرت فيها ومن خلصت صلاة العشاء الأخير ..
قلت :
الحمد لله .. وأستغفر الله ..وسبحان الله ..
ويارب أسألك خير البعث واللقا يوم القيامة!!
(( حرف ))
راحة البال ابدأها بابتسامه ..
وجرب الفكرة ونسأل الله لك ولنا السلامة !!
... من رجل!!
www.asheqalsamra.net
