(( غزة عن حالها تحكي ..!! )) .. اهداء لندى غـــزة !!
غزة عن حالها تحكي ..
مساء جميل!!
لفت انتباهي هذا العضو (( ندى غزة )) .. ويقيني أنها من هناك .. وذات ليلة قريبة كنت ابكي غزة بحبر القلم .. وأبكي فلسطين بصمت الألم .. فلم يكن إلا الشعور بأني ابكي بالحروف التي أضعها الآن ..!!
من خلال موضوعي وفكرتي في هذه الصومعة يشرفنا أن نستقبل (( ندى غزة )) في هذا الموضوع لنكون أقرب لندى كأخوة كأهل كجيران كأننا غزة كأننا فلسطين .. كأننا كل شيء يخصها ولها .. !!
بعد أن أضع خاطرتي الشعرية أمامك يا غزة أريد أن اعرف ماذا تعني لك هذه المساهمة !!
سأبقى على تواصل مع ندى غزة في هذا الموضوع .. ومن لديه أسئلة تخص أجواء غزة وحياة غزة وألم غزة وكل ما يكون في غزة بعيدا عن شيء آخر .. قلنا غزة وليس فلسطين .. !!
ولا نريد إلا هذا فقط .. وعذرا سأضطر لحذف ما لا يتناسب مع الموضوع من كلام ليس هو بقصد غير مناسب لكنه ليس المقصود تواجده هنا .. أتمنى أن تكون الفكرة وصلت .. ومن لديه ما يخص الموضوع عليه مراسلتي .. وسأكون سمعا وطاعة لكم !!
ندى غزة ..
عندك القلم فكوني امتداد لهذا التواصل المعطر بأسمك .. والمعنون إلى غــــــزة ..!!
وأتمنى أن لا أكون قد أشعلت نار الحزن في داخلك ندى لكننا نحب أن نكون الأقرب لك .. !!
وهنا أضع لكِ يا (( ندى غزة )) .. خاطرتي الشعرية .. ثم نكمل ما تبقى من الموضوع .
غزة عن حالها تحكي ..
غزة تتحدث
يوما كانت طفله
كانت تتمنى أن تبقى طفله
وكانت تحلم تصير عروسة حلوة ..
مرت سنة وسنتين
كبرتِ يا نور العين
قالتها أمها فلسطين
ما أبهاك يا غزة
فرحت غزة بهذا الكلام
أمي قالت إني صرت محلوه
أمي تحبني كثير
ودايم بعيونها أحلى ..
لو كبرت تبقين غزة الطفلة
غزة كانت تحب الحمام
كانت تطيرهم
وتتمنى تحلق معاهم في سلام ..
مرة قالت يا أمي ليه يذبحون الحمام
والله يا أمي هذا ظلم هذا حرام
حزنت غزة وبكت ..
صارت تجري وتجري وما وقفت
سمعت فجأة صوت انفجار يدوي
خافت وركضت
وركضت وظلت تجري وتجري
أمي .. أمي من طخ الحمام
من قتل السلام ..
ليه يا أمي صار هالظلام ..
أمي اسمع صوت قادم .. هذا جندي ..
لكن هذا مو أبوي لا أخوي ولا هو جدي ..
غريبة جندي وخلفه جندي وجندي ..
شو بدهم مني .. وليه يمسكون يدي ..
ليه يا أمي ما تدافعي عني .
علامك أمي ردي عليا ردي ..
أرجوك ردي .. ردي
تكفين يا أمي تكفين..علامك تبكي
أمي من كسر فرعك .. وقتل ولدك ..
من داس زيتونك..وليه دمك يخونك ..
وأنت فيك دم العروبة ..
لا يا أمي هذا لا دمك ولا دمي
غزة غضبت وثارت ..
وبكل ألم دامي قالت ..
ليه كبر جرحي .. وين ليلي وين صبحي
وكل يوم صار بقلبي الحزن يدمي ..
صمتت غزة وداخلها يحترق ويشكي ..
شو فيك يا غزة ليه ما عم تحكي
غزة بدك حمام.. لا ..ما بدي
بدك لعبة حلوة وصغيرة ..لا ما بدي
بدك أكل .. تعبانه .. مرضانه ..
لا .. لا.. لا.. لا.. ما بدي
غزة علامك شو فيك ..
ليه الدمعة ذابت في أحزانك
ليه البكا أصبح كلامك
وانت غزة حبيبة قلبي ووجدي
أمي .. أمي قالت غزة وعيونها صارت دم ..
ليه يا أمي كل هذا الهم ..
بسألك لو قلت لك شو بدي
راح تعطيني شو ما بدي
قالت أنت غزة في عيوني ..
شو ما بدك قولي أنا بسمع وانت احكي
قالت غزة شفتي الندى لما يبلل الشجر
هذه أنا لما أحضنك يا أمي
بدي ما يموت أخي..ولا ينسجن أبي
ولا يحتقر وينداس بالرمل رأس جدي ..
بدي إذا صحيت الفجر
اقبل راسك وانثر على وجهك وردي ..
بدي عروس ما تنكسر ولا تنداس بأقدام الجندي
بدي كل غصن زيتون ما ينكسر
وكل حمامة بيضا ترفرف وتغني بكل فخر
بدي يكون لنا بيت يضمنا طول العمر
ونام فيه بروحنا ونسهر للفجر
ونضحك ونركض بحوشنا بلا ضجر
وما نسمع صوت القنابل من الفجر تدوي
بدي يا أمي تراب يوم موتي يلفني
أخاف يا يمه لو مت ما حصل تراب بلدي
بدي يا أمي وطن بدي وطن
وطن حر ما فيه مغتصب ولا جندي
بدي يا يمه ما تغتصب ارضي
ولا ينحني ولا يغتصب جسدي
وشو بدك بعد يا غزة
بدي .. وبدي .. وبدي ..
ليه تبكي يا أمي ..
ما أنت حكيتِ وقلتي يا غزة شو بدك ..
ابكي لأنك مثل ما أنت بدك..
أنا أمك فلسطين .. وقبل من عام الخمسين ..
كان بدي .. وبدي ..
وليومك أنا أنتظر .
.مثل ما أنتِ تنتظري ..
وليومكم غزة مع وأمها وما زالت
تحكي ..وتحكي .. وتبكي ..!!
(( حرف ))
(غزة عن حالها تحكي .. !!)
... من رجل!!
لكم شكري جميعا على تقبلكم وتفهمكم وإنصاتكم ..
.................................................. ..... وتقديري !!
