إللي يريد هدية يدش هنا..!
مساء الأعياد والأيام الحلوة القادمة بإذن الله ..
أكيد كل أحد يحب تقدم له هدية صح ..؟
زين بـ / أخبركم كيف ..!
أول ما جلست على النت وفاتحة النبض قبل نصف ساعة تقريباً ..
جاني مسج من عند صديقتي كما يلي نصه ../
شو بتهديني في عام 2008م:
أختاري من 1 إلى 8 ..
وبشرط تكوني قد التحدي ..
وعد ..
هاهاهاي .. حكيت رأسي ..وقلت الله يستر ..
ورديت عليها أختار 7 فديتني ..
وردت عليِّ بالمسج التالي نصه ../
1/ جالكسي
2/ عطر حلو
3/ بطاقة نورس ريالين
4/ جهاز جديد
5/ قلادة فضة
6/ رسالة حلوة من قلبك
7/ عيدية 5 ريالات
8/ رصيد حياك ريال ونص
يعني لازم أعطيها 5 ريالات ..
رديت عليها .. أخخخخخخخخخخخ
ردت وقالت .. بتجيبي العيدية غصباً عنك ..
مؤدبة فديتني رديت عليها .. من عيوني فديتك ..
ردت عليِّ فديت العيون وصاحبتها ..
هاهاهاي .. بأخسر 5 ريالات ..
وعجبتني السالفة ..
لكن ما قصرت قمت ورسلت نفس المسج حج زميلاتي والمقربين مني بقائمتي ..
هاهاهاهاهاهاهاهاهاهاهاهاهاي..
شو إللي يختار رقم 2 وإللي رقم 5 وإللي 3 كل الأرقام ..
والكل يرد من عيوني .. إلا فئة يقولوا قلبي وجهك ..
وإللي يقول لي .. غيرنا رأينا .. أرد واقول بخيليييييين ..
هاهاهاي .. بأشوف الهدايا إللي بتوصل لي وبخبركم ..
يالله كتبوا المسج وشوفوا كم الهدايا إللي بتكون عندكم ..!
وكل عام وأنتم بألف خير ..
