أنا برحل..!!
أبي أرحل
ضاق الكون بوجودي وبدا يذبل
وما عاد القمر مثل طبعه اللي كان أول
يجي بظلمه..وتالي الليل يكمل
لذا أرجوك
ناولني أوراقي ...أنا برحل
أبخفي عنك أعماقي...ولا أعطيك المجال تسأل
أبرحل عنك للماضي...وأطويك بحروف أجمل
******
مضى عمري بنزواتك....أجاريها..وتجاريني
ونفذ صبري على سكاتك...يبسطني ويطويني
وتعبت أتناسى زلاتك...تذبحني وترميني...
وأنا مابي ضحكاتك...ترسمها وتبكيني..
*****
أبرحل في سكون الليل
وراقب خطوتي ...وإسكت
ولو جتك المشاعر سيل..
أرضك بور ما تنبت
أبرحل عنك بلا تعليل
وراجع قلبك الميت..
******
غرامٍ ما يجي بوصال
أنا مابيه
وكل اللي يريح البال
أنا شاريه
واذكر زمانن مضى وينقال
لك بضويه
وخفوقي اللي نبضته وزال
لا تطريه
******
ودام اللي عطاك الروح...تناسيته...!!
بعد ما هداك القلب ...وهدّيتله بيته
ومضى بهمه يشتكي ظلمه ولا اعطيته
*******
تركت الشوق ينسجلك كفن
وتركت القلب يبنيلك وطن
ولا صنت ميعادك
وسديت لي بابك
وقلت الزمن...
*****
دفنتك في سنيني حب ما ينملْ
وصنتك عن عيون الكون ولي تهملْ
وضاق الكون بوجودي وبدا يذبلْ
لذا
أرجوك
ناولني أوراقي
أنا برحل...!!!
مع تحياتي
المجنووون
