أنا من كثر أشواقي
أشوفك في وجيه الناس
أعانق كل من يقبل
لعلي أحضنك صدفه
دموعي تغسل أحداقي
لجل أدفع شعور الياس
أبنطر ليلة اللقيا
لقا يظهر بنا عفه
أنا صرت القلم يا حبر
وحروفي تصير أشفاه
وانته يا بعد عمري
معاني الحب والطيبة
أنا من كثر ما أودك
غدا قلبي ورق ودواه
خلص كل الورق فيني
وباقي داخلي طيبه
تعب قول الحسد فيني
وعذالي غدو لي أصحاب
عجز فيني الكلام الكذب
يغير بعض تحناني
دروا أنك ملكت الروح
لبسني عشقكم جلباب
دروا أن الفراق بعيد
مثل بعدك عن أحزاني
حبيب فسّر غيابك
أريد اعرف بعض لسباب
ترى كاس الصبر فيني
نفد من كثر أشجاني
تذكر قلبي المسكين
وأصله من خليط تراب
تذكر دمعها عيني
مثل دجلة بأوجاني
