خليجيه وراسي فوق عمانيه والنبض واحد 20سنه واجتماعيه وخجوله بأحيان كثيره....و..و...وبث
2/ قبل رمضان هل يكون لك شعور خاص ، أو استعداد خاص ؟
شعورجدا جميل فأنا أنتظر هذا الشهر الفضيل بفارغ الصبر ودايما اردد الدعاء اللهم بلغني رمضان هذه السنه بصراحه تعمني فرحه أحبها بنفسي من كثر الشوق لهذا الشهر الكريم أحب أيامه كثير وارتاح فيها أكثر.أما الاستعداد ليس كثير فقط انظم وقتي وأحدد الوقت الفلاني لقراءة القرآن وهكذا فقط
3/ هل ذقت طعم الصيام في غير بلدك ؟
لا ولله الحمد بس أمنيتى أروح عمره برمضان
4/ موقف طريف أو محرج حدث لك في
رمضان ؟
الحمدالله لايوجد لي مواقف لاني انسانه هاديه بطبعي...:pillao:
5/ نوادر رمضانية أو مقالب لك حدثت لك في رمضان ؟
لايوجد ابدا
6/ أكلة تعجبك في رمضان ( ضع صورة ) ؟
خلية نحل والصوره بعدين لانه عندي مشاكل شوي بالنت
7/ كيف تقضي يومك في رمضان ؟
راح ابدأ من الليل أنام الساعه 2ونص وأحيان كثيره 3 أقوم الساعه 5 لصلاة الفجر وأرجع أنام بعدين أقوم الساعه 8 للدوام أول ما أوصل الدوام أجلس أقرأ صفحات من القرآن وكذلك أستمع للقرآن بالكمبيوتر بعدين اذا ماصار عندي شغل أدخل النبض أرجع البيت الساعه 1 أصلى و ع طول المطبخ أمسك مهمة الحلى أكل الثلاجه الحلووو وأجلس أطبخ وأسوي وأحيانا أسوي حشوات السمبوسه والفطاير بس اللحين ماكثير الحق عليهم لما أخلص أروح أنام شويه وأقوم العصر وأصلى وع طول على شغل البيت واروح اشوف المطبخ بعد ايش فيه بعدين يجي وقت الفطور والصلاه وشوي أجلس ع التلفزيون بعدين أصلى التراويح واروح الدوام مره ثانيه .
وماهي عاداتك وتقاليدك في رمضان ؟
لاتوجد لدي عادات وتقاليد معينه ماشي محدد بالضبط
( برنامجك اليومي في رمضان ) ؟
لايوجد لدي برنامج معين
8/ ماذا تتمنى في هذا الشهر ؟
كل خير لي وللجميع والله يعز الاسلام والمسلمين
9/ بمن تفكر حينما تسمع بحلول شهر رمضان ؟
بالناس عامه تقريبا بالساهي والغافل عن الله وكيف بيأثر فيه الشهر وعن الناس الى بالحروب وتحت الحصار والمجازر كيف بيقضون ايامهم بالشهر الفضيل
10/ ندخل بالفطور ... ماهي سفرتكم في الفطور عامة ؟
تمر,سمبوسه ,فطائر,خلية نحل,احيانا هريس وثريد..و...والخ
11/ أنتم من النوع اللي كل شيء على الفطور وإلا فيه شيء بعد المغرب ؟؟
كل شئ مره وحده وأكيد نبدأ بتمر وماي
12/ أنت من جمهور الفيمتو وإلا التانج ..
نادر اروح اسوي واحد من الاثنين عادي ماعندي جمهوريه لاي واحد منهم
13/ اول رمضان صمته كم كان عمرك؟
صف أول ابتدائي بس ماأتوقع كل الشهر كنت صايمه والله ماأتذكر بس أعرف اني صمت وانا بسن صغير
14 / نجي للسحور ... تكلم لنا عن سحوركم باختصار ...
طبعا عيش كل يوم
مع لحم ,دجاج.سمك
بس المهم عيش
15 / هل سبق وأخذت عمرة في رمضان ؟ وماهو شعورك ؟
لا للأسف
16\ اذكر..(ي).. برنامج ديني عبر الاذاعه او التلفاز تتابعه في رمضان؟
لا يوجد ابدا
17 / موقفك من الأشخاص الذين يقضون جميع أوقاتهم في الأسواق والتنقل بين المحطات .؟
الله يهديهم ان شاءالله وينور قلوبهم الحال يرثى لهم بس لو اللى يروح السوق ياخذ كم غرض ويرجع ممكن بس حواطه ع الفاضي لا انا ضدهم
18 / ثلاث بطاقات لمن تعطيها في هذا الشهر ..
البطاقه الاولى :لوالدي الله يطول بعمرهم
البطاقه الثانيه والثالثه:للناس اللي أعزهم ولكم جميعا
19 / كلمة أخيرة ...
1000 شكر لحنووون على هذه الاستضافه النادره والجميله في هذا الشهر الفضيل وان شاءالله ماثقلت عليكم.
