فــــلاح .... عامية أرزية
عامية أرزية
فلاح
أسمر وِمِلاح .. يا جمال صُورتُه
الوِش بَشوش ... والنور منقوش
بِزبِيبة ياميش ... على قُورتُه
:
فلاحنا
فلاحنا من صُغرهُ ووقت الفجرية
قايم قاعد .. راكع ساجد
فارد جَلابيته مِصلية
:
فلاحنا
فلاحنا طبعهُ العَفَوية
مـ البدرية ..على قُرصة
على قشطة على جبنة قديمة
وشوية شاي في الخمسينة
بيسمي ويسَلِك ريقُه
ويكمل ماشي في طريقة
فلاحنا توبُه الجلابية
وفي طوبة
إن طلبت .. يديها كوفية
:
فلاحنا
آوجاعُه بتهزم آوجاعه
راس ماله في الدنيا دراعُه
فلاحنا
أبو سمرة .. بالفطرة
الفاس مرسومة في يَدُه
والشمس محفورة في خَدُه
فلاحنا
هموم الدنيا فوق كتفه
وفـ عزمة
بيعافر في الارض لِوحدُه
:
فلاحنا
عشقُه الزراعية
ودوامة لبعد العصرية
المغرب بيطفي نهارُه
بيعاود
ويروح على ضهر حماره
تيجيو
تيجيو نمشي معاه مشواره
نتفرج على عَفشُهُ ودارُه
:
نمشي ؟
( يتبع )
