مِسَحَرَاتي .. عامية ارزية
(1)
رمضان كريم
عالطبلة ها انقر .. وامشي وأنادي
اسمع يا مؤمن
سَلِك وِدَانَك ........ وافهم كلامي
رمضان كريم
:
رمضان كريم
وانا يا مؤمن تُكالي ربي
ناوي ليلاتي اشد طبلي
وامشي وانادي
مسحراتي .. مسحراتي
:
اصحى يا نايم
يانايم اصحى .. النوم ده داء
اصحى يا نايم
يا نايم اصحى .. واحمِد الرزاق
:
يا ابو هشام
يا عمي حِلمَك
كفاية بُخلَك .. قَفِلت كام
فين حق رَبَك ؟
قوم صلي فَرضَك .. خَليك إمام
:
يا ابو سِليم
ما توطي صُوتَك
صُوتَك كأنهُ .. بابور قديم
عمَال بِتُصرخ .. قُطعو الحريم
ليه المشاكل .. سهرانة بينكم
يا عم روق ... رمضان كريم
قوم .. لِم فَرشَك واسجد لِرَبَك
تكسب رضاه .. وتهون مشاكلك
رمضان كريم
:
يا ام البنات
يا ام البنات
والله بناتِك سُكر نَبات
زعلانة ليه .. الحِمل زاد ؟
كُلهُ بآوان
ما تشيلي هم رزق الولاد
الفرح جاي ... جاي في الميعاد
وإن طال في عُمري
مِسيري أعدي في يوم واهني
رمضان كريم
يا رب عِيني
اشوف طريقي إن شَت مني
اوفي نَدري وادق طبلي
وامشي وانادي مسحراتي
رمضان كريم
:
اصحى يا نايم اصحى
صحي عيالك .. وخالي بالك
للدُنيا اصحى .. دي دُنيا صاحية
على ظلم هالل ... من كل ناحية
يا عم اصحى
الشرق قالب تُراب معبي
من ريح شيطاني هُبوبها غَربي
ولسه نايم يا حاج عربي
يا عم اصحى
الله يعينك
بتقولي صاحي والنوم في عينك
شُوف الجرايد .. قَلِب بايدك
ادي بابا بابا .. مش عاجبهُ دينك
وده صحفي كافر
راسم رسولك ... برسم سافر
داك قطع ايده .. وياكشي يِولَع
يا رب قادر .. تِشل إيدهُ
او يمشي عاجز .. ما يشوف ويسمع
:
عامية(1)
يحيى معوض
الارز
