احذروا Bluetooth البلوتوث بالموبايل

السلام عليكم احب اطرح موضوع خطير جدا خاصه عندنا بالدول الخليجية
وهو خدمة البلوتوث بالموبايل لانها خطره جدا و للاسف تستخدم في اغراض خطره و غير اخلاقيه - مثلا بالاعراس يتم تصوير بنات عن طريق صديقاتهم و تنقل من بنت للاخرى الى ان تصل للانترنت و تنشر و تفضح البنت و هي لا تعلم بالموضوع - و كذلك يحدث في مواقف اخرى كثيره
هذه قصه حدثت بالكويت و ممكن ان تحدث في الكثير من الدول و لزم التنبيه و هذه القصه ينشرها احد الشباب

[align=center]احذروا هؤلاء الأشخاص ربما تكونون انتم الضحية[/align]
كان يوم الخميس طلعت مع الشباب ورحنا احد المجمعات التجاريه والا جهازي النقال (الجوال) يعطي نغمه تنبيه بأن رسالة وصلتني عن طريق الـ Bluetooth طبعا الرسالة من شخص مجهول طبعا استقبلتها والا اشوف بنت لابسه لبس الثانويه يعني توها طالبه وقاعده بباص المدرسة وترقص واللي امصورتها رفيجتها (صديقتها) على ما اعتقد من نفس الجهاز اللي اهوه نوكيا 6600 والظاهر ان صديقتها ما عندها خوف على صديقاتها وعلى بنات ديرتها وبنات جنسها ادخلت احد المجمعات وارسلت هذي اللقطه حق كل اسم يطلع عندها في بحث الـ Bluetooth المهم بعد اللي شفته انا انصدمت واللي صدمني اكثر ان بعد اسبوعين رحت النادي والا واحد يقولي عندك هاللقطه توها جديده والا اشوفها والا نفس اللقطه قلت بيييييييه الظاهر البنت صارت مشهوره بالديره الكل عرفها



المهم انت يالشاب او انتي يالشابه تخيل صارلك نفس الموقف اللي صار لي وشفت اللقطه والا اختك او وحده تصير لك (تقرب لك) اشلون اتعالج هالموقف بتشوف أي واحد بالمجمع وتلقى معاه نفس الجهاز واتقوله بشوف عندك هاللقطه والا لا والا انك اتبلغ الشرطه طبعا ما فيه فايده ما تقتدر اتسوي شي حتى الشرطه ما يقدرون يسوون شي لأن خلاص الفضيحه انتشرب بالديره كلها او يمكن العالم كله

ومع العلم ان أي صوره او أي لقطه موجوده بالجهاز تقدر اتنزلها على الكمبيوتر وترسلها بالانترنت طبعا التكنلوجيا ما تقصر في وصله يبيعونها بالسوق عندنا احنا بالكويت قيمتها 10 دنانير ولا يمكن ارخص يعني تخيل اختك او وحده تصير لك توصل عند شاب نفس اللي ارسلها لي بالمجمع ونزلها بالكمبيوتر ونشرها بالانترنت او تخيلي انتي يالبنت انتي اتكونين الضحيه توصل لج رساله اتشوفين نفسج وانتي ترقصين بعرس او حفله لازم ناخذ الحذر خاصة البنات يعني مثلا صديقتج قالت لج بعرس مثلا ابي اخذ لج صوره بتليفوني لأن ملابسج حلوه وانتي صايره احلى واحلى او انها اتصورج وانتي ترقصين اذا انتي واثقه منها هذا شي راجع لج بس شوفي البنت اللي انا شفتها اكيد كانت واثقه من صديقتها والا ليش اتخليها اتصورها واهي ترقص



احذروا هالأشخاص ضعاف النفوس ترى يسوون اللي ابليس ما قدر يسويه

انا ما اقول بس بالعرس او الحفلات حتى بالمجمعات انا شايف شباب يمشون ورا بنات وقاعدين يصورونهم والبنات ما يدرون ترى هذي فضيحه بعد



طبعا انا اقول هالكلام مو بس حق بنات ديرتي لا هالكلام حق العالم كله وارجو انكم اتوصلون هالرساله حق كل الناس وتنشرونها بالمنتديات وبكل مكان وحتى بين اهلكم واصدقائكم





المهم ارجو ان الجميع فهم الموضوع واعتقد كل واحد او كل وحده تستخدم الطريقه اللي تقدر اتحافظ على نفسها وشرفها وسمعتها


وتقبلووو تحياتي


ملاحظه: ترى مو بس جهاز نوكيا 6600 اهوه اللي يصور فيديو وفيه Bluetooth في اكثر من جهاز بس انا قلت 6600 لأن نسبة بيعه كبيره عندنا بالكويت

مسااااااااااااء جميل ...

كنز الكنوز ..
فعلا ظاهرة انتشرت في الاوساط الخليجية .. ولا اخفيك انني وجدت الكثير من الصور وما شابه ذلك في موبيلي حينما اكون في المجمعات .. ولا استطيع الجزم من قام بأرسلها حقيقة الخوف الاكبر ان تعم هذه الظاهرة وتصبح الفتاة وصورتها متداولة بين الجميع .. !!

نسأل الله ان يهدي الجميع وان يعلم جيدا .. انك مهما فعلت وعملت فأن ربك رقيب حسيب !!

شكرا لموضوعك يا كنز الكنوز .. !!

بالفعل....يصير أكثر من هذا


بس شو تريدونا نعمل....مانستعمل التلفون أو نلغي نظام البلوتوث من جهازنا؟؟؟



والله يهديهم بس لهذي الأفعال...شكرا لك كنوز


ورسالتك وصلت وان شاء الله الجميع يقرأ عنها



تحياااااتي

شكرا اخواني عاشق و الماجد
فعلا الواحد يعتمد على اخلاقياته في استخدام الموبايل و الحرص على الناس و سمعتهم مثل حرصه على نفسه
ربي يهدي شبابنا و بناتنا للخير
و يارب تستر الجميع

مسااااااااااااء جميل ....

المشكلة انهم يتجاهلوا هالشي ومن شدة سخافتهم لا يهتمون .. والله حرام يعني شو ذنب البنت اذا صار لها شي .. او احد من ذويها شاف صورتها .. والعياذ بالله هالشي فعلا الواحد ما يرضاه في اهله .. فكيف يرضاه حق الغير .. سبحان الله .. !!

اتمنى من الجميع ان يطلع على هذه الموضوع

وليس فقط من يستخدم نظام Bluetooth في جهازهم

ونسأل الله ان يهدينا واياكم

شكرا كنوووووووووووز

تحذيرك وصل

تحيــ(الباشق)ـــاتي

بالفعل يا كنوز تحذيرك وصل
والله يهدي شباب اليوم , حقيقة صارت مشكله
ومشكله خطيره جدا , تنتشر عن طريق شباب
مستهتر ما تهمه فضايح الناس .
مشكوره كنوز على التحذير .

والى اين سيصل بنا هذا التقدم والتطور؟

اصحاب الايمان الضعيف والقلوب الوهنه والضمير الغائب
الى اين تتجهون,, كفاكم الاعمال السلبية
نسأل الله الستر

كنوز
دمت بعافيه