بين أحلام وحقيقة
بين آهات وآنين
فرش أبيض غرفة بيضا
كل من حولي حزين
هذي أختي وهذي أمي
صوتها باكي حنين
ليه يا يمه تصيحي ؟
ليه دمعك تذرفين
فدوةٍ عمري لعينك
ليه يمه تدمعين
ودي اشوفك وجه باسم
ودي يمه تضحكين
امسكي أيدي بأيدك
يمه لا لا تحزنين
آه يمه .. آه يمه
يمه وينه نبض قلبي ؟
وينه الغالي الضنين ؟
آه يمه حيل أحبه
أنتي يمه تصدقين ؟
قالت اي يمه أصدق
بس منهو تقصدين ؟
ليت يمه تعرفينه
ليت يمه تفهمين
صورته كاهي بقلبي
ليت يمه تدخلين
أجمل إحساس عرفته
وأنتظرته من سنين
يمه .. يا يمه تعالي
أنتي وينك تبعدين ؟
ليه ايدك تركت ايدي ؟
ليه عني ترحلين ؟
وبين أحلام وحقيقة
وبين آهات وآنين
شفتها فتحت عيني
وأبتسم وجهٍ حزين
قلت يا يمه علامك ؟
ليه دمعك تذرفين
ودي أشوفك وجه باسم
ودي دايم تضحكين
