صرخة قلب عربي عن الأحداث الى بتجري في مصر ..
وخاصة الى حدث البارحة في مباراة الأهلي والمصري
في بورسعيد واللى راح ضحيته 75 واصابة اكثر من 160
بعزّيكِ يا مصرليه الدم بقى رخيص
والناس بتقتل بعضيها
ليه ولادك يا مصر
بتدبح في أهاليها
ليه المصري اللي علمني زمان
بيقتل أجمل معانيها
بيقتل الضحكة والفرحة
ويزيد مآسيها
مش عارف أقول أيه
ابكي عليكي
ولا ابكي على امتنا
والي بيجرى فيها
قالوا حاكم ظالم
وما يعرفش يعدل فيها
قالوا حكومة ظالمة
بتنهب في سواقيها
قالوا ربيع عربي
جاله الخريف قبل ما يجني
محاصيل أراضيها
قالوا الناس عايزة حرية
والأخلاق ماتت قبليها
لعبة ومتش كوره
وناس زباله
قتلت روح معانيها
ليه يا مصر ليه
مين اللي ح نجري عليه
طول عمرك يا مصر
سانده إخواتك العرب
ودلوقتي مش قادرة
تسندي روحك
من عيال هايفه
بتقطع فيكي
وتقطّع في ناسها
اللى علّت سور مبانيها
طول عمرك يا مصر
عارفه الحكاية
من قبل 25يناير وبعديه
وهي الرواية مكتوبة
على سطور أعاديها
آه يا مصر .. آه
بعزّيكي .. وأبكي عليكي
وآه يا مصرين
بعزيكم وقبليها
بعزّي روحنا فيكم
اللى من كتر البكا
ماتت قبل ما أبكيها
2\2\2012
