قصيدة ياطاهرة - طلال الرشيد

قصيدة ياطاهرة - طلال الرشيد






يابنت انا ماني كذا وظنونك تكذب عليك
كلي عيوب وماقوت تخجلني ظنونك وتوب

اكذب عليك ودوم اخونك وألبس الأبيض واجيك
واعشق معك الفين وجه ويمتلي صدري قلوب

احلى اقول لك لو قلتها البارح لذيك
ياقف على شفاهي معك مراهق صب لعوب

اكذب ولا ادري ليه اكذب اعشقك ما ارتجيك
اخاف من صدق الحقيقة في الهروب من الهروب

والله احبك واعشقك واعرف زمان اني ابيك
لكنها هذي الحياة تعلمت مني الذنوب

العين عجزت تعتقك والقلب عيا يشتريك
في السجن خيال وفي،في الصدر رجال كذوب

هذي الحقيقة مايجي في الكون اطهر من يديك
وانا الذي انقض وضوء الغيم والماء والهبوب

انقل عيوبي فوق متني وانتي لعيبك شريك
وباكر تبسم لي وجيه لك يعبسها الشحوب

ياطاهرة حنا كذا والمظهر يكذب عليك
يمكن يجي يوم نجي نخجل من ظنونك نتوب

بنت الهيلا
اهلا وسهلا بكِ في منتدى نبض المعاني
قصيدة جميلة .. لطلال الرشيد
الله يعطيكِ العافية

صح لسان الشاعر
واسلمي بنت الهيلا ع ألقصيده الحلووووووووووووووووه

عابرعشق يسعدني حضورك
ولاعدمناا طلتك الذوق

نحات القلوب صح بدنك
ويسعدني حضورك