(( نقـــــول كمان ؟؟؟ )) عامية
[ALIGN=CENTER]
الفِكر شَارد
شارد من مكان لمكان
والنفس مكسورة والشكوى مبتورة
مبتورة .. على اطراف اللسان
ادي الزمن وادي الزمان
وأدي بوكرة المعطر
جانا كابوس مغبر
الزمن .. زمن الضجيج
الدنيا والعة .. والقدس ضايعة
والقلوب فين فين ..
والأيادي فين .. فين ..
غطسانة في مية صاقعة
الزمن مقلوب كيانه
عصرنا .. عصر الأمريكان
امريكا بتسوق فينا .. تحكم وتأمر
عينها واسرائيلها على .. قدسنا
على مصرنا .. على عمانا دمشقنا
على عراقنا والخليج .. جاية وطامعة في ارضنا
حماية .. حجتها الحماية
وناوية تغدر .. تغدر .. يا رب استر
يا رب أستر
الظلم قايم .. والعدل نايم
ولاة العرب .. يا عيني عليهم
من سهرهم الليالي .. نامت عيونهم عالجاري
قرب يا منعم وصور .. قرب يا طيب
قرب وصور أحلى قمة .. وكل قمة وانت طيب
قمة .. وأعلى رؤوس .. قمة زيطة ولمة
قرب يا منعم وصور
كل راس هجاص .. كاتبين له كلمه
يقولها ويتهته .. ينهيها ويشخر
قرب يا منعم .. قرب وصور
منظر لطيف
هنا نوم .. هنا زغر .. هنا بوس .. هنا تصقيف
نرجع نقول معذورين
يا ريت قرار واحد بايدهم
قمة سكوت .. والسكوت غصب عنهم
أمريكا سيدهم
شرذمتهم ربطت ايدهم .. واللسان
أدي الزمن .. وأدي الزمان
الكلمة فيه للأمريكان
نقول كمان .. منقولش ليه
العمر واحد .. والرب واحد توكالنا عليه
نقول كمان
وأدعي عليهم
يا ريت كلامي يكون شاكوش
فوق دماغ الهرمة بوش
يا ريت كلامي يكون تقيل
يقلق منام .. أمريكا هانم
والكلبة ..الكلبة طبعا اسرائيل
يا رب قادر فيك تزلهم
فين عزرائيل
فين عزرائيل يجي يزورهم
أو حتى شوطة .. وباء تاخدهم
نقول كمان
يا وطني
يا وطني الحزين .. الدمعة فرت من العيون
يا وطن العروبة .. يا كلمة نشفت عالشفايف
أنا زي غيري والله أسف
على كل عربي وكل حاكم غمض وخايف
على كل دولة .. ماشية عالولة .. يحكمها واحد
من غير دراية لا هو فاهم ولا حتى عارف
أو دولة عظمى .. وزيرها جزمة
رئيسها بوشي .. عامل هامان مهزوز وهايف
ياخد قرار من غير مشاورة من غير مداولة
كأنه حالف
حالف يمين .. حالف شمال.. يهدنا بجيش التحالف
أدي الزمان
نقول كمان
إحنا العرب إحنا العرب
شعار .. قديم .. وانضرب ؟
احنا العرب .. أيوه العرب
والحقيقة بالأمريكاني
شعار واسم في الوجود مالوش وجود
والابن بوش قل الأدب
عدى الحدود .. وقام نعتنا بالقرود
الإبن بوش .. بالتحالف والبارود
عمال يشطنا .. ويباصينا .. من بلير لليهود
أدي الزمان
واليهود .. والأمريكان
والتحالف .. والكل بان
طلعت أوربا .. أكبر شيطان
ملعون يا بوش
اللي لسه ما تعرفوش … ولا عمره شافه الأمريكان
إن العرب .. مهما ناموا القلب صاحي بالإيمان
ملعون يا بوش .. بوكرة القرود ها تشيبك
ده إحنا العرب واحنا التاريخ .. والأصل إحنا مـــ الجدود
وقت الجهاد .. إحنا العرب .. احنا العرب .. احنا الاسود
أسود بتركع للإله
سبحانه وحده
لا إله إلا هو .. ليه .. الركوع والسجود
أدي الزمان
أقول كمان
أحكي حكاية .. وحادي بادي
أثنين .. تلاتة .. ثلاتة من الأعادي
داسوا العروبة
أثنين تلاتة.. وغيرهم أكتر من أصل واطي
بلير وبول .. شارون وبوش .. اللقيط اللواطي
أدي الزمن وأدي الزمان
الدنيا دين وسلف
الوضع
خطير يا ناس .. الأمر اختلف
أبدا .. مش صدفة من الصدف
متبيته .. وئد العروبة هو الهدف
اسرئيل والأمريكان خططوها من زمان
مناهم في غمضة نغرق
لبسونا الخزوق . والجنز الازرق
بهرونا بالتكنولوجيا .. .. والمشجر والمحزق
علمونا الأمريكان
علمونا نمضع لبان .. علمونا نتقصع اكتر
علمونا في كل الدورس .. علمونا نحني الروؤس
علمونا الأمريكاني في كلمتين
أوكي . ويس . لأي أوردر
جوعونا .. حرمونا القمح الأصفر
دللونا .. طفحونا .. تفاح وبرجر
روقونا وخدرونا بالديقراطية
دوخنا
رؤوس النووية . عولمة .. سوق أوربي وانفتاح
ورطونا في المشاكل .. غرقونا بالسلاح
فلسونا .. بان غرضهم .. سيطرتهم
وكان دولارهم .. طريقه اخضر
والنتيجة باقتدار .. الاقتصاد من بدري طار
واليورو بيه .. اليورو بيه .. جاي يتمم عالحصار
وإن قولنا أه .. أو قولنا .. ليه
يسمعونا أبلغ حوار
يا عالم تالت حمار
بطونكم سابقة عقولكم
واهتمامكم للعطور والحريم
والتسالي .. والتفاخر
والتعالي .. والموفي شو والدريم
يادي الزمان الأخبر
أدي العصر الجديد .. عصر العبيد
العرب مملوك .. مملوك .. والأمريكاني السيد
أدي الزمان
زمن العروبة اللي انطفت
وانطفت كل الآصالة والكرامة
فين العرب والسيادة والريادة ؟
فين بلال .. وابن الوليد
فين صلاح .. فين عبادة
فين الكتاب والكفوف تحلف عليه
الجمع واحد .. والكلمة واحدة
الرأي واحد .. والراية واحدة
أدي الزمن وأدي الزمان
وابتلينا بلعبته
الأخ سام في القضية جه خنقها بحنكته
وفي الخليج هالل علينا بزفته
اللعبة
واضحة مـ البداية والفيلم قرب من النهاية
والحقيقة .. السيناريو .. محبوك وهايل
فيه كيماوي .. في سلاح دماره شامل
ولو سكتنا .. مش بعيد .. راسنا تطير
خوفوا .. الصغير والكبير
أكلوا بعقولنا .. البالوظة والفطير
أدي الحكاية .. وأدي الزمان
نقول كمان .. عن حكاية حصلت زمان
رئيس في عصره عنفوان
من بعد حرب .. وموت وضرب
وحادي بادي .. من أصله بادي
من جت له طلقة . العراق .. أم إيران ؟
من بعد طحن .. وعتاد وشحن
قالوا بينا عيش وملح ..
راح قوام .. قلبها صلح .. بالوئام والتحية
والصراحة قرار شجاع
الكل حيا .. حتى الإدارة الأمركية
بعتت سفيرة .. بفكرة لوز جهنمية
السفيرة .. شحمت راس الرئيس
ملت دماغه بالجريس
والصناعة .. مية مية .. جريس صناعة أمريكية
الرئيس .. المهاب
صدمنا
هب عالكويت .. وهات وهات .. يلعنها سب
ما الجريس كان مية مية
وفي ساعات اداها غزوة عسكرية
وفي ساعات ..
الكويت أصبح عراق أصبح حدود إقليمية
والغريب
فيه كتير مستغربين .. وفيه كتير مذهولين
ما أحنا قولنا .. الجريس كان مية مية
نحكي كمان
صدمنا المهاب .. الهمام
قفل عيونه .. قفل دماغة وكل باب
العروبة .. صرخت حرام
الكويت مهما كانت . كانت معاك آخر تمام
تقول لمين .. وتعيد لمين
الغرور لما يركب .. ما يفيد عتاب أو ملام
صدمنا .. مسمعش الكلام
بداها حيص ختمها بيص .. ورجله غاصت في الهويس
بين مؤيد
طمعان في حتة .. وبين معارض غطسان في حته
بين مؤيد وبين معارض
العروبة .. بقت فضيحة .. في الجرايد والمعارض
غزا الكويت .. ما خلى بير ينطق بزيت
والخراب من يومها عم
عم في كل بيت .. في العراق والكويت
ما الجريس كان مية مية
وابسط يا عم بالغزوة دية
الكل ضاع .. الانتفاضة والقضية
الفرصة جت لاسرائيل
قادتها نار .. والحصار في القدس صار
ما الجريس كان مية مية
صدام عراقنا المهاب والمغامرة العسكرية
خدموا اليهود وجاب شارون ابن الأذية
ادي الزمان وادى المصير
صدامنا باقي .. خيال مأته .. عالبواقي
وادي العراق بيعيش كابوس
عايش وميت
من غير حليب من غير طحين من غير فلوس
وأدي الكويت
حالفة ما تنسى .. عايزة العراق خراب ومنفى
والعراق
وبعد ما دك الكويت . للسلام بيقول يا ريت
نقول كمان
نقول
انتظرونا في المشاركة القادمة
تحياتي
[/ALIGN]
