أحلى طبخة امارتية لعيونكم

هلا فيكم

حبيت احط لكم طبخة اماراتية


اولا اتحملو لا تاكلون اصابع ايدكم بعد الاكلة http://v.3bir.com/images/smilies/o.gif

بسم الله



المقادير :
لحم غنم (كيلو)
بطاطس(6 حبات كبار)
كوسا (4حبات)
قرع (حبة واحدة كبيرة)
بصل (5حبات)
ثوم (6فصوص)
بهارات مشكلة (فلفل حار _ كاري_كمون_هيل_كركم_بزار) حسب الرغبة
زيت(حسب الرغبة)
طماطم (9حبات) عشان اللون
ماء
وطبعا ما انسى الملح
واذا تبون شوربة ماجي تراها بعد لذيذة



الطريقة :
اولا : حطو اللحم في ماي مغلي مع قليل من الفلفل الاسود والملح عشان يتنظف وخلوه على النار
ثانيا : قومو بقلي البصل مع الثوم ثم الطماطم وخلوه لين ما يتسبك الطماطم وبعدين شوربة ماجي والبهارات
ثالثا : حطو الكوسا والقرع والبطاطس مع الطماطم وخلوه شوي عالنار حتى يتشرب الطعم
رابعا: طلعو اللحم من الماي وحطوه عند الطماطم والقرع والبطاطس وقلبوه عشان اللحم ياخذ الطعم شوي
وبعدين حطو ماء يديد مو مال اللحم لان مال اللحم فيه الزفر والزفر وساخة المهم وخلوه على النار نص ساعة



ادري بتقولون هاي صالونة والكل يعرف يسوي الصالونة
بس اهني الشي المهم :::



لما اتخلص الصالونة

قطعي خبز رقاق او خبز ايراني وصبي فوقه الصالونة وحطي اللحم بعد وشوفي الطعم كيف



وسلامتكم
ادري طولت عليكم
بس انشا الله فيها فايدةhttp://v.3bir.com/images/smilies/o.gif

مشكوررررررررررة

حبيبتي..

اقتباس:

---

المشاركة الأصلية كتبت بواسطة عاشقة الحرووف..

مشكوررررررررررة

حبيبتي..

---

تسلمين يالغلا..

دمتي بود.

شكرا لك
يعطيك العافية

يسلموووووووووووو
والله يعطيك العافية
تحياتي