رحلتي الى بورت غالب _ الجزء 2

السلام عليكم و رحمة الله و بركاته
أتمنى استانستو معاي في الجزء الأول للرحله
والحين راح تشوفون صور للجزء الثاني من الرحله و هي رحلة بحريه لمشاهدة الشعاب المرجانيه و الأسماك الملونه و الدلافين و السلاحف و عجل البحر
وعلى فكره صادف إنه كنا بروحنا باليخت و بصراحه أخذنا راحتنا و كانت رحله مريحه جدا جدا و قال لنا القائد للرحله إنه لحسن حظكم ولأول مره تصير معانا إنه مجموعه سائحين تطلع لهم الدلافين بالطريقه اللي شفناها و تلعب معانا و كذلك عجل البحر لأنه في مرات سابقه كان يهرب من اليخوت و بصراحه احنا استمتعنا معاه و راح اقول لكم قصته مع الصور و كذلك السحلاف والحمد لله إنه حظنا صار حلو و شفنا كل شي
وبالنسبه للمرجان بصراحه ما كان معاي كاميرا للبحر و المره القادمه ان شاء الله راح اخذها و أصور لكم تحت البحر و المرجان

نبدأ بسم الله بصور لبدء الرحله و أول ما تحرك اليخت فينا -تفضلوا معاي شوفوا الصور

http://www.geocities.com/konouz75/dive1.jpg

http://www.geocities.com/konouz75/dive6.jpg

وفي هالصور لما تحرك اليخت و تشوفون معاي المارينا من بعيد و كان المنظر جميل ولون البحر بصراحه عجيب و لونه أزرق غامق لدرجه ما تتخيلونها
http://www.geocities.com/konouz75/dive2.jpg

http://www.geocities.com/konouz75/dive3.jpg

http://www.geocities.com/konouz75/dive4.jpg

http://www.geocities.com/konouz75/dive5.jpg

هالصوره نقلد فيلم تايتنك في مقدمة اليخت
بس بصراحه من قوة الموج خفنا و نزلنا
لأنه الموج كان يضرب حيل باليخت

http://www.geocities.com/konouz75/dive7.jpg

والحين نبدأ رحلة الدلافين و بصراحه كانو روعه و كنوا معانا على طول
ويسبحون مدار اليخت و كان السائق يضرب الهرن لليخت و الدلافين
سبحان الله كأنها ترقص مع الصوت و تطلع بره و نرد للبحر
وكان معانا لمده طويله جدا واستمعنا معاهم

http://www.geocities.com/konouz75/dive8.jpg

http://www.geocities.com/konouz75/dive9.jpg

http://www.geocities.com/konouz75/dive10.jpg

والحين نكمل الرحله مع عجل البحر و هذا جننا
بصراحه طلع فجأه لدرجة إنه الطاقم اللي معانا
قالوا إنه أول مره يطلع بالطريقه هاذي و رايق حييل
لدرجه انه كان يوصل للمركب اللي احنا فيه
و يمشي تحته و يطلع لنا بطريقه حلوه و يحرك راسه لنا
و بنت اختي كانت أول من نزل له و لعبت معاه
وبصراحه كان رااائع تحسون كأنه طفل يلعب معاها
وكانت تمسح على ظهره و تركب على ظهره و هو يطلع بره و يغوص و يلعب معاها
شفوا الصور معاي

http://www.geocities.com/konouz75/dive11.jpg

http://www.geocities.com/konouz75/dive12.jpg

وهذه المنطقه للسلاحف و طبعا غصنا تحت الماء علشان نشوفهم
وتسمى المنطقه مرسى الرئيس مبارك

http://www.geocities.com/konouz75/dive13.jpg

وفي نهاية رحلتنا ردينا الكويت الغاليه بالسلامه
و بصراحه كانت رحله لا تنسى أبدا و ان شاء الله عن قريب راح أرد لبورت غالب
و أنصحكم تزورونها للراحه و مافيها ازعاج و زحمه
وغير عن شرم الشيخ اللي صارت زحمه حيل
وهذه منطقه هاديه للي يبحث عن الراحه
وهذا موقع المنتجع شوفوه و فيه الاسعار
http://www.portghalib.com
واحنا بصراحه في باكيج بالكويت نزل حلو و بأسعار حلوه شوفها على موقع طيران الجزيره

و مع السلامه في رحله جديده
:80:

رحلة جميلة كنوز
الحمد لله على السلامة
وبدنا تكون المرة الجاية
رحلة خاصة لأعضاء النبض
وتكوني انت مرشدتنا السياحية
دامك زورتي هالمنطقة
يسلمووو كنوز على الصور الأكثر من رائعة