وصـرت أنا أغار منها ..عليهــــا
[ALIGN=CENTER]تعاتبني بنظــرات خفيــــــــــــــــــه
واجاملها ولا ادري وش وراهـــــا
أجاوبها بنظـرات ...حزينـــــــــــه
تعبر عن ضـنا الروح وشــقا هــا
أســـايرها...وأجاوب كل نظــــــره
واخبي الوجد وابحث عن رضاهـا
وعقـب ما شــفتهـاعرفت قلبـــــي
تناســــاها.....ولكن ما نســــاهـا
غلاها يـزود مـع زود الليـالــــــي
وبـاع الناس قلبــي ..واشـــتراها
خطا نفسي وآنا اتحمــل خطاهـا
وأغار من أمهـاحتـى...وأبوهـــا
وأغار من الذي بأمـره ولاهــــا
وأحسد ..اللي تبـــره بالرعايــه
وأحسـد اللي بأحاسـيسه رعاها
وأحسـد البنـز ..لا قامت تسـوقه
أخاف انه ..يشـاركني غلاهـــا
وأحسـد الريح...لا حرك شعرها
وأحسد عيون غيري لا تراهـا
وأغار من القمـر لا شـع نوره
خذت نور القمر واصبح ضواها
وأحسد الشمس لا بانت عليها
أشعتها..تسبب في أذاهـــــــــا
وأحسد الأرض لا داست عليها
أثر خطواتها تحيي ثـراهـــــا
وأغار من النجوم اليا تعلــت
وشـافتها..وعيني ما تراهـا
وأغار من الهدوم اذا لبستهـا
عساها ما تجرحها عسـاهــا
وأغار من الخواتم في يديها
وساعتها وكل اللي معاهــا
وأغار من القلادة في نحرها
وأغار من الشعر لا من كساها
وأغار من القصيدة لا قرتها
ولو هي قصتي واشكي جفاها
وتـشمل غيرتي حتى المرايا
يحق لها بشوفتها تباهــــى
نعم..وأغار حتى من الوساده
وأحسد فراشها..ويا غطاهـا
ألا يا من ...يساعدني عليها
يوصلني هوى النفس ومناها
عجزت أعالج جروحي بروحي
جروح القلب ما تشفى بلاها
طلال السعيد..........شعر نبطي
[/ALIGN]
