ســــــــر مدفـــــــــون...
لا جيت بذكر ما جرى لي بذا الكون
يعجز لساني قول جملة مفيدة...
كونت باسم الحب شي لي يكون
وأشوف دنيا الحب عندي عنيدة...
وأشوف سنا ياسي وزود بي طعون
وحطم مراكب فرحتي يوم عيده...
باسباب حب داخل الحب مكنون
جرح صميم القلب ودمي ووريده...
هبت رياحه وانكشف سر مدفون
بيّن الجروح الماضية والجديدة...
عادت بي الذكرى وقسوة هالكون
وجلست أراجع ما مضالي وأعيده...
تدفعني أشواقي واشجوني بالجنون
ويدفعني احساس النّكر للقصيدة...
ما قد سمعتو موت منهم يحبون؟؟؟!!
أخاف أنا لا أصير واحدة من فقيده!!