يابحر .. فيني من الحـزن .. كثـر مافيـك ..
من حزن .. وأوجاع .. وغياب .. وغرايب
لاتلومنـي إليـا شفتنـي .. دايـم أجـيـك ..
ولاشفتني دايـم .. علـى الشـط .. ذايـب
حزني كبير .. أكبر من حـدود .. شاطيـك ..
وأقسى من جـروح الزمـان .. العطايـب
وإن كان تنشدني فـأنـا .. مقـدر أخفيـك ..
دايم اظـن .. ويطلـع .. الظـن .. خايـب
في هـالزمن .. أقرب حبايبـك .. يشقيـك ..
إليـن تدفـع فـي غــلاه .. الضـرايـب
من بعد هـذا .. يبتعـد .. عنـك .. ويجفيـك
..ماكنه .. بـجنبك .. قضى الوقت .. طايب
وإلا .. الخـوي اللـي توقعـت .. يفديـك ..
يفديك عمـره .. لاغـدت بـك .. نشايـب
صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب
لاتقول لي .. بدري .. وتـوك .. ويمديـك ..
وتعال .. وأسمع باقـي الهـرج .. صايـب
خلك بـحالك .. وأطلب الـرب .. يهديـك ..
ولاتنشد اللي غـاب .. ويـن أنـت .. غايـب
وإن شفتني غايب .. عن حدود .. شاطيـك ..
أعرف تراني .. تحت .. ذيك .. النصايـب
وأعرف تراني .. دايم إن ضقت .. بـآجيك ..
لأني .. أنا .. والموج .. صرنا .. حبايـب
