كل مواد التجميل لها مدة معينة
تدرون شو اكتشفت إن كل مواد التجميل لها مدة معينة والقهر إن هالشي مكتوب
على العلب بس ما انتبهت ،
لأنه على بالي إن مواد التجميل مثل المواد الطبية يكتبون تاريخ الإنتاج والصلاحية ! ،
بس لاحظوا !
إن إنتهاء مواد التجميل يختلف عن إنتهاء المواد الطبية والدوائية ،
شلووون ؟!!
المواد التجميلية تنتهي بمدة معينة من تاريخ فتح العلبة يعني مو من تاريخ الصنع
أما المواد الطبية والدوائية تنتهي بمدة معينة من تاريخ الصنع حتى لو كانت يديدة ،
القهر يا بنات إن البياعات لما تسإلينهم عن كريم أو منتج معين ما يكونون صريحين معاج ،
وما يقولون إن المنتجات لها تاريخ صلاحية معينة ،
أدري إن بتات وايدين يدورن بهالشي بس أكيد فيه بنات ما كانوا يدرون مثلي ،،
خنبدأ بمنتجات العين ،
هذا الكونسيلر من ماك ، نهايته ستة أشهر من تاريخ الفتح ، راح تلاحظون شكل علبة مفتوحة
وحاطين يعني 6m ستة أشهر من تاريخ فتح العلبة ،
الكونسيلر من فور إيفر ، ومدته 12 شهر ،
الماسكرا نهايتها 6 أشهر ، وهذه المعلومة كنت أدري عنها بدون ما أشوف العلبة وأتأكد ،
ماسكرا سان لوران يضا،
كريم العين ، مدته بعد 6 شهور ،
وساعات ما يكتبون على العلبة ، يكتبون على الكرتونة فانتبهوا بنات ! ،
حتى الشادووووو له نهاية تصوروا !! ،،
والغالب نهايته تكون من 12 إلى 24 شهر و فعلا انا كان عندي واحد استخدمته شوي و بعد سنة شفته جاف و مو حلو و الوانه مزفته،
هذا شادو نارس نهايته 24 شهر من تاريخ الفتح ،
شادو فور إيفر ونهايته 12 شهر من تاريخ الفتح ،
حتى منظف العين له نهاية !
فانتبهوا
