من هو الشاعر ابن الصحراء ؟؟؟
يقول الشاعر ابن الصحراء في رده على قصيدة لمرشد البذال
***
قولك تراه اليوم صايـر وجـاري الله يجزي ذيـك الايـام بالخيـر
ياما سرينـا يـم ذيـك الخبـاري مجهامنا كل يوم مثـل النواطيـر
مانعرف التنتات هـي واللـواري لهـن دويٍ يشبهـن الزنابـيـر
نمر بالريضـان خضـر قفـاري العشب زاهي مع فياضٍ مزاهيـر
لامن طلع مختار عقب المسـاري في موقع مافيـه جـرة مظاهيـر
اوهد صوب الروض وسط النهاري غمر وصفف ياحسين التصاويـر
واليا نزل عينه تشعشـع بنـاري نشوفهم جنب الـذواري مخامير
مثل الملك جالس وحوله جـواري والله مااصخي به بخيشة دنانيـر
ماهمنـا بـرد ولا هــوب ذاري يوم ان للمقناص بالنفـس تأثيـر
واليوم كل واحد يصيـد العفـاري والناس صاروا كلبوهـم صقاقيـر
اصبر تشوف الطير فوق القواري مطلعه راعيه مـع سكـة الجيـر
***
بقى أن تعرفوا ان الشاعر ابن الصحراء هو
.
المغفور له باذن الله تعالى الشيخ جابر الأحمد الصباح
طيّب الله ثراه
