لـــذة طعونك
يا مصعب الاوقات كلـــــــها بدونك
واصعب كثير ان قلت اشوفك على خير
يا للي تبعثـــــــرني و أدور جنــــونك
وألقــــــــى لجنوني في غرورك تفاسير
همسك وضحكاتك ولذة طعونــــك
أشـــيا تهون مقبلات المـــــــــعاذير
شوقي واحاسيسي بكو يـــــحترونك
ترى الليـــــالي في غيابك معاسير
تدري حبيبي خايـــفة من ســـكونك
و تــــدري احبك والمحبــــــــــة مقادير
لبيه أنا كلــــــــي ألبي عيــــــونك
لبيه لو ما هي لعيـــــــــنك مخاسير
لبت رموشٍ خاضعاتٍ يجونـــــــــك
ولبت عيـــــــونٍ ذللت لك مشـــاوير
جابتني أمطار ٍ حوتـــــــها مزونك
يوم السما لجــــلك غــــدى لونها غير
لونٍ إذا سموه ! سموه لـــــــــونك
وغيم ٍ إذا أمطـــــر تغنــــــت عصافير
معذورة ٍ يومــــــــــي تمنيت كونك !
كونٍ عجزت اوصـّــفه بالتعابيـــــــر..
يا مصعبه من يوم إذا مر دونـــــــك ..
وأصعب كثير إن قلت تصبح على خير ..
للشاعره الأخت:
بذرة غلا
