أخر محطات الـــــــــوداع
أخر محطات الوداع
والله أني في حياتي ماعرفت ألا ديارك
وألا قلبك ماعرفته ولا عرفتك من تكوني
كلما حاولت أجيلك يبتعد عني مسارك
كلما حاولت أبعد دموع عينك يبعدوني
علميني وش بغيتي؟ ولمتى أتلحف بنارك؟
ماكفاك اللي حصل (أهــ ) ياسبة جنوني
مابقى فيني محطة لجل يعبرها قطارك
مابقى فيني اماكن تلعبي فيها وتخوني
وش تبين أكثر و أكثر مابقى ألا أبارك
أنتهى أخر وجودك يوم طحتي من عيوني
مو كفايه كنت أصدق مدح نفسك وأختيارك
مو كفايه لأجل عينك بعت من كانوا يـبوني
والنهايه وش حصل لي لازم أرضى في قرارك
ليتني وافقت ربعـــــــي يوم عنك يبعدونــــــــي
ماعرفت أنك لغيري وبأحساســـــك مشارك
شخص مثلك في صفاتك ولا أبد لونــــه بلونك
كنت أنا مجرد حكايه تاخذي فيني بثـــارك
وتدفني غلطة حياتك كان ما خابت ضنوني
من يقول أنك حقيقه يتفق معها شعـــــــارك
أنتي أسوأ من عرفته في حياتي وعرفوني
من يقول الليل يزعل لاختفى عنه نهــــــارك
من يقول أني عشقتك وأنك أنتي بعد كوني
كنتي غلطه بأختياري لا أبد مو بختيارك
أرحلي لا ردك الله وأكملي عمرك بدوني
يمكن ألقى في غيابك من يداوي جرح نارك
يمكن ألقى في عذابك من يجمع لي شجوني
ودام أنا ماشفت قلبك وماعرفت ألا ديارك
بسئلك واللي خلقنا في حياتي من تكوني؟
قصيده أعجبتني للشاعر
فيصل المريسي
ونقلتها لكم
تحياتي
