السلام عليكم ورحمة الله وبركاته
ومساء الليالي المباركة
ورمضان مبارك
سؤال حلو ويعيد حسابات كثيرة !!
وبإذن الله أكون صريحة ..
لو كان لك صديق وهذا الصديق به من الصفات
الجميلة الشيء الكثير ولكنه نمّام
أو كذّاب أو كثير الكلام ,, هل ستواجهه ؟؟
إيه بس بأسلوب بدون ما أجرحه يعني بأقول
له أستغفر الله ما زين نتحمل ذنب أحد أو نخفف عن أحد
فحسناتنا تروح عنده .. أتم جيه أذكره بالله لين يحس إنه
إللي يسويه غلط ومسيء له بالدرجة الأولى ..
وأوضح له أنه غالي عندي وما أرضى أحد يشوف عليه
نظرة مو حلوة أبد أبد فأنبه شوي شوي بأسلوب..
وصارت معاي ياهمسات يعني صارحت إحدى صديقاتي
بإني واجهتها بأنها لا تبالي بشيء كنت قاسية بمواجهتي
بس لأنها عزيزة وبالفعل تغيرت وعرفت إني من حب لها
قلت لها ،، طبعاً أعتذرت منها قاصدة أشوف ردة فعلها
أترايها تقول لا تعتذري عندك حق وارتحت طبعاً!!
واذا كانت هذه الصفات فيك ( مثلاً ) هل سترضى اذا واجهك بها .
بصراحة هل ستعتبرها هدية ؟؟؟؟!!!!!
أكيد بصدق ،، لأنه أكيد يخاف عليّ
وهذا يساعدني عشان أتفادى تلك السلبيات الخارجة مني
أم ستعتبرها إهانة وتدخل فيما لا يعنيني أم وقاحة؟
بأعتبرها وقاحة وتدخل في خصوصياتي إذن كان الشخص
ما أعرفه وما يعني لي شيء
أهم شيء يكون الشخص قريب مني عشان أتقبل منه
كل شيء لأنه بتكون عندي ثقة فيه !!
ما هو لون الغلاف أو شكل الغلاف ( أقصد هنا الأسلوب ) الذي تحب أن
تغلّف به هديتك ؟
النصح بعيد عن التجريح !!
هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟
إيه الحمدلله تقريباً أعرف كل عيوبي
يمكن فيني عيوب ولسه ما اكتشفتها!!
ودام إني عايشة واتعامل مع الآخرين أكيد بتظهر شخصيتي شيئاً فشيئاً
وإللي ظاهر لي عيوبي أكثر لأنها تهمني أكثر
عشان أعدلها وأتفاداها ..
وهذا يا همسات ..
وشكراً على الموضوع وعلى الأسئلة ..
ورمضان كريم عزيزتي
خالص تقديري
زهر
