مصافحه بعد غياب !

اعزائى ..
اعود وكلى لهفه لمعانقة ارواحكم ..
اعذرو لى غيابى والله ليس بالكيف ..
أقدم لكم قصه حقيقيه ..لأنسان لم يحصل على الهويه العربيه/ الجنسيه
وأكثر من تجاهل هذا الوطن..أقرب الناس له .
.
.

حكاية الظل الذي نبه اليتيم من طعنة عمه الاخيره ..
فقد تحمل هذا الولد طعنات كثيره من عمه ولكن بعد الطعنه الأخيره
رحل الى مكان لايعلم به احد وفي قلبه ثلاث اطفال ..يقتسمون الجوع كل ليله مع ابيهم...
ولطيفه هي الانسانه الوحيده التي تراسله..وهي من اقرباءه
هذي منك ؟
.
.
اقسى من طعنة عدوي..
اقسي والله حيل اقسى..
حيل تعبانه يدينك..
يقدح الخنجر واشمك..
هيل وجروح وأغاني..
عاد تدري.
شفت ظلك !!
ياما نبهني عليك..
كنت اكذب..
ظل وافي.
كان خارج..
من خياناتك..عليّ
أيه اعرفك
احضن الخنجر وأشمك
دمع وعيون واماني..
بس انا وياك والله
مو مع الطعنات ضدك !!
حتى شوف..
وش كثر أشره عليك
وانا مطعون بيديك
كان من اول تقول
وانا أطعن نفسي عنك
.
.
.
أأأأه عنك
.
.
.
.....







طار من عمري.. غلاك.. ودمعتين ٍ مورقـه



بللت عمري.. حسافه. بس أنا ما اشره عليـك



المصيبه نبـع عمـري مايصـب الا الثقـه



عاد شوف شلون عمري..شلون وداني ليديـك



أشهد أنـك ماتقصـر كـل خنجـر تزرقـه



بالظهر ..ياحيف والله بالردى مالـك شريـك



وش لقيت بطعنتينك غيـر صدقـي واعذقـه



وش لقيت بحضن كفك غير قلـب هـو يبيـك



ماحبست الا بضلوعي دمـع يابـس واعتقـه



مو عشانك من عرفت ان المحبه ماهـي فيـك



أنعكاس الظل يكسر صورتـك وسـط ورقـه



وأنكسار الضوء خنجر يرتعش مـن طعنتيـك



كل حزن ٍ في عيوني مـن عيونـك أسرقـه



قلت لك وان جتك ضيقه لاتجيني انـا اجيـك



كل هم ٍ من يحـاول يوصلـك كنـت اسبقـه



وكنت اخلي عمري يحضن كل طعنه تب تجيك






.
.
.


راح ..اروح
.
.
.

واحضن ظلالك..وأصب فيه الجروح..

ماتعودت الشموخ..

الا من اجل الشموخ..

ودنيتك فيها الفقارى وخبزة التيه..

السؤال /وأنحناء الذات/ وضحكة النفط وجوابه..

في ملذات الشيوخ.

من يوصلني.. سوى يديني..

ليديني !!..من يرجعني عليّه

حتى ياخذني عليه..

وانا ماعندي

سوى هذاالمغيب ..وريحة أمي

كل ما شميت اول/اخر/أطراف الملافع/صرت اضئ..

واكتب النور../المعتق بالوفا..

وجروح جدي/ من عقيق..

صرت أنا امحي

أكتب

أمحي

وأشعل الليل العتيق..

كنت أقول الحب رمح..يخترقنا...

حتى نفقد كل توازنا ونطيح..

حتى شفت الأرض ../كل الأرض.. أنسان جريح..

وين قلبي

خفت أطيح

راح اروح...
.
.
.

يا لطيـــفه

كل ما الشمس اتشرب بالسما شفة مغيبك..

انطريني..


وانا ادري

ما معاي الا الاماني/الاغاني..

وكلمتي لك انطريني

.وما معاي الا صداها...

أ

نـ

طـ

ر

يــ

نـ

يــ !!
.
.
.



هو الليل ومعايا بس جروحه ودمعـة عيالـي



ومعايا شوي من حلمي القديم وعتمة اصحابي



عسى من راح مايرجع يجي ويشوف احوالـي



عسى مايفرح بدمعة خضوعي من على اهدابي



عسى مايسمع بصوت البكا من عيـن موالـي



عسى ما يلقى لعيونه صعود لنخلـة صوابـي



ياليل ان جيتهم مره غلط وان جيت في بالـي



دخيلك لا تعلمهم على اللـي يصيـر بغيابـي



دخيلك لاتقول اني بها لغربه ضعـف حالـي



وانا اللي مالي بالغربه سوى عيوني هي ابوابي



عشاني أو عشان اللي بعمري هم غلا أطفالـي



دخيلك لاتفز ضحكة شماتـه بشفـة أقرابـي



ياحيف شلون خلوني بدون وداعه ب رحالـي



ولاكلمة فـمان الله تطفّـي لوعـة اعتابـي



وحتى الجرح تعب وياي ينسى طعنة امالـي



لأنه لو قدر ينسى اذكـروه بجـرح أحبابـي







.
.
.
.
.

يا لطــيفـــه



هذا حنا..

موتنا..هو فينا منا..

الحسد ورثت يدينا

وان حسدنا ..ماحسدنا..

الا واحد من حدينا..

وانتي ياخذك النعاس ..وانا بعيوني سهر..!!

الحزن منا وفينا..ومن يدينا الحزن ياخذنا نتسول في عيون الأخرين

كل صدر طارقينه..مالقينا..

غير هم ٍ حاضنينه

الف صدر ٍ فيه دين

والف صدر ٍ فيه نار..

أول الدينار دين/واخر الدينار نار..

ليه اضيع..وحنا والله مسلمين..والف طفل ٍ يحضن عيون الشوراع ..ثم يبيع..

وحنا والله مسلمين..

والاراضي اللي توقّد في مسى الغرب.. وتميع..!!

وحنا والله مسلمين..

في صلاة الجمعه بس..

حنا والله مسلمين !!
.
.
.
.


تذكرتك..وانا بصدري ربابه قوسها يبكي..

وهي دايم تذكرني.



*




**ابكي هلي ياناس ماني بمليوم



واظن من يبكي هله مايلامـي



عفت الرقاد وحاربت عيني النوم



وابديت ماكنيت ماني بكامـي







.
.

تعنيني قصايد فيك توصلني لنهاياتي/ طموحاتي..

ولايبقى ماغير انتي

تنادي بخاطري المكسور..تجي فيروز

**نسم علينا الهوى



من مفرء الـوادي



ياهوى دخل الهوى



خذني على بلادي








وانا غادييي

وتذكرتك......

ولاانسى هم من حزن الليالي..

وضحكة الوالد..

يقول ان كثرت احزانك

قريب خلك...

ولاتباعد..

عن احبابك..عن اصحابك..

تراهم بس يعزونك

عشان ان كثرت طعونك..

((ترى بس هُم )) يداوونك..!!

رحل من هذي الدنيا ..

وترك لي بس.. (( ترى بس هُم )) !!

وقصيده تشتعل بالجرح..

.
.

أنا ذبحني الجوع وانتم تشوفـون



كبيتو كـل الـزاد قـدام عينـي



سكين وقتي عذب الدار بطعـون



شقق جدار الصمت وانجن طينـي



عيب ٍ علّي ان كنتم انتم تحسـون



وعيب ٍ عليكم لو بكتنـي سنينـي



اشقى وشقايا بالشقى اصغار يبكون



اثيابهّم في زهـوة العيـد بينـي



يبه وتذبح خافقـي مـن يقولـون



يبه ولا القى وين حالـي ووينـي



انا صويب الحال ياللـي تنامـون



ما فيه هم ٍ ماغـدى محتوينـي



مقدر امد اليـد يانـاس تكفـون



أموت جوع ومشبع العـز فينـي



عزو عزيز النفس ياللي تعـزون



قبل اليتامى تموت قـدام عينـي






.
.
.


وتلوميني اذا اهاجر..

مـ أنا مهاجر مع جروحي.. مع بوحي.. مع...
.
.

تعالي صج نسيت اسأل ؟..

عيونك تعقد عيوني ولالا.؟

انا مازلت..اصب فيك البكا وأرتاح..

اثاري تشمشمك للجراح..

تشم عطور ترحيبك وشيالك وطباشيرك.

ولما تكتبي للجدار..

ترى الدينار وطن يالغالي بالغربه!!

وانا أكمل..

وغربه بالوطن لاصرت بلا دينار.
.
.
.

وتتكسر طباشيرك !!
.
.



أخر النبض/النص


.
.
.
.
.

خطوات....تنتهي

ولاينتهي...الطريق/
\
\
.

رمز النجمه بالنص
* بيتين للشاعر الراحل مسعود الحناكي
* مقطع من أغنيه لفيروز

.

كتب هذا النص قبل خمس سنوات

والأن يكتمل بقلوبكم

مسااااااااااء جميل ...

(( عاشق السحرَ ))

جميل ان تعود ..
وتبعث لنا في ارواحنا جمال الحرف
موفق دائما ..
وننتظر حضورك دائما !!

رااائع عاشق السحرَ منك هذه المواسه

صحيح الامل باقي.....لكن....؟؟

ليس كل جرح يبرى في وقت قصير

شاكر لك

ولاكلمة فـمان الله تطفّـي لوعـة اعتابـي



وحتى الجرح تعب وياي ينسى طعنة امالـي



لأنه لو قدر ينسى اذكـروه بجـرح أحبابـي




ولاكلمة فـمان الله تطفّـي لوعـة اعتابـي



وحتى الجرح تعب وياي ينسى طعنة امالـي



لأنه لو قدر ينسى اذكـروه بجـرح أحبابـي



ولاكلمة فـمان الله تطفّـي لوعـة اعتابـي



وحتى الجرح تعب وياي ينسى طعنة امالـي



لأنه لو قدر ينسى اذكـروه بجـرح أحبابـي




..
نص شاعري مغرق
أُرهقت جداً وأنا أقرأ,,
تعبت وأيم الحرف تعبت

أحسنت .. رررائع بحق

احترامي

عاشق السحر ,,,,

وأهلا بك ,,,,, ونحن كلنا لهفة لما تخط وتبدع ,,,

وعودتك رائعة ,,,, جميلة بهية

سلمت