رحلتي لهولندا (الجزء الثاني )
السلام عليكم - اشلونكم و اللي رد من اجازته الحمد لله على سلامته و اللي بعده بإجاره يرد لنا بالسلامه
حبيت اعرض لكم صور جديده لرحلتي الثانيه لهولندا في شهر يوليو الماضي و كانت رحلة نصها الاول عمل و النص الثاني سياحه
رابط الرحلة الأولى السياحية ( http://www.nabdh-alm3ani.net/nabdhat...ad.php?t=10814 )
اما جزء السياحي فكانت هذه الصور الرائعه لمدينة امستردام اللي في هالرحله اسكتشفتها عدل لأنه في الرحله الاولى زرت فقط الريف الهولندي الرائع جداااااااا و صراحه بالنسبه للجو روعه يعني الحراره اعلى شي توصل 18 و باليل طبعا برد موووت ( اهو جوها قريب من الكويت - خل اقص على روحي شوي ):Unexpecte
قناة مائية و مشهوره فيها هولندا في كل مكان تلقى القناة تحيط في مبانيهم و عمق الممرات المائيه هاذي يقارب متر و نص
http://www.nabdh-alm3ani.net/upload/upload/canal1.jpg
http://www.nabdh-alm3ani.net/upload/upload/canal2.jpg
http://www.nabdh-alm3ani.net/upload/upload/road.jpg
هني مكان القوارب للرحلات البحريه في القنوات المائية
دام سكوير Dam Scuare معروف باليل مرتع لمتعاطي مخدرات واللي هولندا تعتبر من الدول الاوروبيه التي تسمح بتداول و بيع المخدرات الخفيفه( مادري شنو خفيفه كلها تخدر ) وطبعا في عطل نهاية الاسبوع يكثر السياح الاوروبين فقط للتعاطي ولكن في فترة الصباح المكان رائع و ملتقى المجمعات التجاريه
مدخل لمجمع ماجنا التجاري وهو الذي في وجه الصوره وشوارعهم خطره جدا للسواق لأنه الشارع اهو للدراجات و الترام و القطار و التاكسي ومادري اشلون يسوقون سياره
و سنويا تفقد هولندا 3000 شخص فقط بسبب حوادث الدراجات الهوائية
فوندل بارك و حديقه حلوه والقهوه بالنص حلوه
http://www.nabdh-alm3ani.net/upload/...vondelpark.jpg
حديقة حلوه يم الفندق اللي انا فيه و روعه و صادفت فيها عوائل الاغلب عرب مقيمين في هولندا لما يقارب 20 سنه منهم من مصر والمغرب ( اكثر جاليه عربيه هناك ) و الجزائر وكذلك باكستانيين و هنود والحديقه فيها ( عزكم الله ) حيوانات وطيور ( مدربين ما يطلعون بره للشارع لو عندنا جان هروب جماعي ) مثل البط و الديك و الدجاج و عليهم خرفان نظيفه حلوه و شكلها مغطى بالحرير من نعومة الشعر الابيض عليها وفيها العاب وقطار يلف الحديقه و محاط فيها قنوات مائيه جميله جدااااااا و هاذي الصور
http://www.nabdh-alm3ani.net/upload/...ai_garden6.jpg
http://www.nabdh-alm3ani.net/upload/...ai_garden7.jpg
http://www.nabdh-alm3ani.net/upload/...i_garden10.jpg
http://www.nabdh-alm3ani.net/upload/...i_garden88.jpg
هاذا الديك له قصه معاي انا كنت اتمشى والا اسمع صوت ( بغ بغ ) قلت شنو هذا والا الحجي ( الديك ) حاط منقاره على تنورتي وانا اقول له كش كش وهو يخزني و يطالع فيني جان اقول في نفسي خل يتمشى معاي شنو المشكله يعني :42:
شوفوه حلو و نظيف
عقب قلت بتمشى بالترام لين محطة قطارات امستردام و في الترام ركبت عجوز هولنديه يحليلها وكاشخه صراحه و غافلتها و صورتها بالموبايل و عقب بالمحطه الثانيه ركب شايب و ابتسم لها و ابتسمت و نزلوا المحطه الثالثه ( الله يهني سعيد بسعيده - مثل كويتي ) بس صج أنيقه كل شي لون يحليلها و انا بخطبها لواحد بالنبض و ارشح البرنس
طبعا جزء العمل كان خاص في في مؤتمر TechEd لشركة ميكروسوفت طبعا لما نتكلم عن ميكروسوفت فعلا تجهيز أكثر من رائع و المؤتمر سنوي لغاية سنة 2007 راح يكون في امستردام في اوروبا و طبعا اهو يلف حول العالم في كل 3 شهور و يبدأ الساعه 8 صباحا و ينتهي 7 مساءا ( الشمس تغيب عندهم الساعه 10 و 45 دقيقه مساءا ) والمؤتمر فيه محاضرات و مجزأه كل حسب تخصصه يعني لو انت مبرمج تقدر تشوف الجدول و تختار المحاضرات الخاصه بالبرمجه و الشبكات لها محاضرات و انا عجبتني محاضره الهكرز و قلت يمكن اقدر اسوي هاك على المنتدى و اخلي عاشق و ضيف زوار للنبض :42: ( طبعا غشمره لأنهم في القلب قبل شوفة العين اهم و كل اعضاء و مشرفي النبض ) وفي غرفة كبيره جدا communication hall هاذي غرفه فيها كمبيوترات كثيرررررررره و تقدر عن طريق برنامج Outlook تكلم اهلك في اي دوله بالعالم حسب كلمه سر خاصه بكل شخص مسجل بالمؤتمر و وكمبيترات اخرى علشان تشوف ايميلات و تطلع على الانترنت وهناك مكتبه الكترونيه تتدرب فيها على اي ماده تختارها و بصراحه روعه و زحمه وحلو حييييييييل و اسمحوا لي بعض الصور مو واضحه لأنه زحمه و بالمحاضرات الرئيسية غصب نحصل مكان
و طريقه العرض للمحاضرات بشكل مسرحيه يكون فيها مبرمج و محلل نظم ومهندس شبكات و كل واحد يعرض مشكلته و شنو الحل
مدخل المؤتمر الرئيسي
http://www.nabdh-alm3ani.net/upload/...e_entrance.jpg
الطريق من الفندق للمؤتمر و كان المكان قريب جدا من الفندق اللي انا فيه
http://www.nabdh-alm3ani.net/upload/..._confrance.jpg
مدخل القاعات مرتب جدا و كان وقت بدء محاضرات و الخدمات متوفره كلها مجانيه مثل أكل و مشروبات ساخنه و بارده
http://www.nabdh-alm3ani.net/upload/upload/hall.jpg
قاعة محاضرات قبل بدء محاضره
http://www.nabdh-alm3ani.net/upload/upload/session1.jpg
القاعه الرئيسية يوم الافتتاح
http://www.nabdh-alm3ani.net/upload/..._confrance.jpg
http://www.nabdh-alm3ani.net/upload/...auditurium.jpg
وهاذي صالة الاكل منظمه جدا بحيث اي شخص يحضر على طول ياخذ مكانه بالطاوله مافي احد ينطر صديقه و السبب انه يبون الجميع يتعرف على الثاني و تبادل افكار
http://www.nabdh-alm3ani.net/upload/...ining_hall.jpg
في نهاية المؤتمر سوو حفله للجميع مع عشا و كانت بهذه الطريقه كل فرقه في خيمه
http://www.nabdh-alm3ani.net/upload/upload/party1.jpg
http://www.nabdh-alm3ani.net/upload/upload/party2.jpg
http://www.nabdh-alm3ani.net/upload/upload/party3.jpg
وهذا الختام و اسمحوا لي على عدم وضوح بعض الصور الكاميرا خونت شوي معاي و اضطريت استخدم موبايلي
