أقول إيه ؟ كل عام و أنتم بخير !!
أقول ايه ؟
اقول كل عام و احنا بخير ؟
ولا خيرنا فى إيد الغير ؟
كل سنة و احنا طيبين ؟
شاربين المر و ساكتين
ساكتين على ايه و لا ايه
وليــــــــه
ليه السكوت عاللى افترى
عالوارث و الموروث ؟
ليه بننباع و وبننشرى
والبايع و الشارى تيوس
عايشين متمرغين فى خير الغلابة
والدنيا مبقيتش دنيا
دى بقت غابة
بس حاكمها مش أسد
حاكمها سيد الضباع
عايش فى دور السبع
سبع مهكع صابغ الشيبة
ولا يملك الا العيبة
نعجة فى أرض الأمريكان
وفـ أرضى سبع السباع
ولجل المد يتمد للمرة العشرمية
ضيعنا ... و تحت النعال ضاع
يا ربى امتى الخلاص
امتى تفرجها علينا
حكِّمت علينا الخناس
ولا نملك حاجه فى ايدينا
غير ضعفنا على جبننا
فقر وذل و كتم أنفاس
بإيدينا نغير أوضاعنا
بس نفوق .. يا ريت نفوق
فوقوا يا ناس
قبل الفاس ما تقع فى الراس
undefined